Казакстан аркылуу жүк ташуунун көлөмү токтогон жок, бирок кыскарганы байкалууда. Мындай пикирин Кыргызстандын жүк ташуучулар ассоциациясынын жетекчиси Темирбек Шабданалиев «Азатыкка» билдирди.

Анын айтымында, жүк ташуучу унаалар үчүн учурда үч өткөрмө бекет иштеп жатат, ал эми башка бекеттер адамдар чыгып кетпесин деген негизде казак тараптан жабылган. Ошондой эле Шабданалиев Казакстан аркылуу каттап жаткан унааларга айрым казак жарандары тийишип жатканын же май куйуучу бекеттеринде мунай жок болуп калган учурлар бар экенин билдирди.

Кыргызстандын жүк ташуучулар ассоциациясынын жетекчиси Россия Казакстан менен чек арасындагы өткөрмө жайларды жаап койгондуктан, Челябинск, Урал шаарларында Кыргызстандын транзиттик жүк ташуучулары бери карап кыйынчылык менен өтүп жатканын, жүк ташуунун көлөмү токтобогонун бирок ошол эле кезде бир аз кыскарганы байкалганын айтат.