«Кумтөр» иши боюнча камактагы Жоомарт Оторбаевге 300 миң сом айып салынды

Назира Абдиева

«Кумтөр» иши боюнча камактагы Жоомарт Оторбаевге 300 миң сом айып салынды

Биринчи май райондук соту «Кумтөр» иши боюнча камакка алынган мурдагы премьер-министр Жоомарт Оторбаевге 300 миң сом айып салды. Өкүм 2021-жылдын 30-декабрында чыкканын соттун басма сөз кызматы бүгүн билдирди.

Райондук сот Жоомарт Оторбаевди Кылмыш-жаза кодексинин 319-беренесинин 2-бөлүгү (коррупция) боюнча күнөөлүү деп тапкан.

Учурда мекемелер аралык тергөө тобу Жоомарт Оторбаевдин мындан аркы баш коргоо чарасын карап жатат. Алар эки күндүн ичинде Биринчи май райондук сотуна чечимди бериши керек.

Жоомарт Оторбаев 2021-жылдын 16-сентябрында УКМКнын тергөө абагына камалган. Ага «Кумтөр Голд Компанинин» кызыкчылыгы үчүн буйрук алып, Лысый жана Давыдов мөңгүлөрүн жок кылууга уруксат берген» деген айып коюлган.

Жаңылыктар биздин Телеграмм каналда

Мындан тышкары окуңуз

Тигүүчүлөр үчүн киреше салыгы жана камсыздандыруу төгүмдөрү азаябы?

Тигүүчүлөр үчүн киреше салыгы жана камсыздандыруу төгүмдөрү азаябы?

Кыргызстанда тигүү тармагында иштеген кызматкерлер үчүн киреше салыгынын жана камсыздандыруу төгүмдөрүнүн ставкаларын төмөндөтүү боюнча мыйзам долбоору даярдалганын Мамлекеттик салык кызматынын төрагасынын орун басары Кубанычбек Ысабеков радионун түз эфиринде билдирди. Анын айтымында, демилге президенттин тапшырмаларынын алкагында ишке ашырылып, иш менен камсыздоону "ачыкка чыгарууга" жана экспортту колдоого багытталган. Ошондой эле
Кыргызстан БУУдагы тынчтык диалогунун демилгечиси болду

Кыргызстан БУУдагы тынчтык диалогунун демилгечиси болду

Кыргызстандын демилгеси менен 2025-жылдын 15-декабрында Нью-Йорк шаарында Германиянын төрагалыгы астында БУУнун Тынчтыкты куруу комиссиясынын жыйыны болуп өттү. Бул тууралуу ТИМ басма сөз кызматынан кабарлашты. Билдирүүгө караганда, жыйында Кыргызстан, Тажикстан жана Өзбекстандын чек ара маселелерин эл аралык укуктун алкагында, тынчтык жолу менен жөнгө салуудагы жетишкендиктери жогору бааланды. КРнын Тышкы иштер министринин
Казакстанда кремний эритмелерин чыгаруучу ири завод ишке кирди

Казакстанда кремний эритмелерин чыгаруучу ири завод ишке кирди

Караганда облусунда кремний эритмелерин чыгаруучу завод ишке киргенин tengrinews.kz сайты жазды. Жаңы ишкана кремний кластерин түзүү боюнча ири долбоордун биринчи этабы болуп саналат. Бул кластер чийки затты казып алуудан жана электр энергиясын өндүрүүдөн тартып, жогорку технологиялуу тармактар үчүн материалдарды чыгарууга жана андан ары күн панелдерин өндүрүүгө чейинки циклди камтыйт.
Кыргызстандыктар медициналык укуктарын санарип сервистен билсе болот

Кыргызстандыктар медициналык укуктарын санарип сервистен билсе болот

МинКаб жыйынында "Өкмөттүк акселераторлор" программасынын алкагында ишке ашырылып жаткан эки жаңы реформанын жыйынтыгы чыгарылып, кыргызстандыктар "Саламаттыкка укук" сервиси аркылуу өздөрүнүн медициналык укуктары тууралуу маалымат ала алары маалымдалды. Мындан ары милдеттүү медициналык камсыздандыруу менен камтылган 5,2 миллиондон ашык жаран (калктын 70%ы) жеке медициналык укуктары жана