«РСК Банк» ААКнын уставдык капиталы (мамлекеттик үлүшү 100%) дагы 2 млрд сомго көбөйтүлдү. Бул тууралуу Кыргыз фондулук биржасынын басма сөз кызматы билдирди.

Тиешелүү чечимди аталган банктын жалгыз акционери – Мамлекеттик мүлк фонду кабыл алган. Белгиленгендей, уставдык капитал жөнөкөй акциялардын 21-чыгарылышынын жайгаштырылышына байланыштуу көбөйтүлгөн. Бир акциянын номиналдык баасы 500 сомду түздү.

Эскерте кетсек, 2021-жылдын ноябрь айында 20-чыгарылыштан улам «РСК Банк» ААКнын уставдык капиталы 885 млн сомго көбөйгөн болчу.