Кыргызстандын банктар биримдиги банк кардарларын сак болууга чакырат. Ар кандай шылуундар өздөрүн банк кызматкери катары көрсөтүп же күмөндүү сайттар аркылуу маалымат сурап, жасалма транзакцияларды жүргүзүп жатышканы тууралуу маалыматтар болууда.

Банктар биримдиги «ЭЛКАРТ» Улуттук төлөм системасы фишинг (шектүү) сайттарын колдонуу аркылуу жасалма транзакциялар болуп жаткандыгы жөнүндө билдирди.

Алдамчылык кандай жол менен жүрүшү мүмкүн?

1. Сатып алуучунун атын жамынып алып, Шылуундар товарларды сатуу жөнүндө жарнамалар жарыяланган сайттардын/тиркемелердин колдонуучуларына кайрылып жеткирүү кызматы/компаниялары аркылуу товарларын сатып алууну сунуштайт.
2. Эгерде Сатуучу ушул жол менен төлөмдү алууга макул болсо, Шылуундар  жасалма туура эмес (фишинг) сайтына шилтеме жөнөтөт, жана ал сайт аркылуу Сатуучунун картасынын маалыматтарын алууга мүмкүнчүлүк алат.
3. Шылуундардын максаты – Сатуучунун картасынын маалыматтарын билүү жана анын акча каражаттарын алуу, бирок бул үчүн Шылуундар Сатуучуга келген тастыктоочу SMS-кодду дагы киргизүүсү керек.
4. Сатуучу тастыктоочу SMS-кодду алгандан кийин аны Шылуундарга жөнөтөт, жана буюму үчүн акча каражат алам деп күтөт, бирок анын ордуна, Шылуундар Сатуучунун картасынан акча каражаттарды чыгарып кетиши мүмкүн.

Банктар биримдиги коммерциялык банктардын кызматкерлери эч качан ар түркүн сайттарга картаңыздын маалыматтарын киргизүүнү суранбайт жана картаңыздын маалыматтарын жана тастыктоочу SMS-коддорду сурабайт деп билдирди.