Айыл чарба министрлигине сугат иштерине жана үрөн сатып алууга 2 млрд сом бөлүнөт
Айыл чарба министрлигине сугат иштерине жана үрөн сатып алууга 2 млрд сом бөлүнөт. Бул тууралуу Министрлер кабинетинин маалымат кызматы билдирди.
Ошондой эле дыйкандарга жеңилдетилген үстөк менен насыя берүү үчүн «Айыл Банк» ААКга кошумча каржы булактарын бөлүү каралууда.
Эскерте кетсек, өткөн жылдын аягында «Айыл Банктын» уставдык капиталы бюджеттин эсебинен 2.5 млрд сомго көбөйтүлгөн болчу. Банктын уставдык капиталы 2021-жылдын аягында 5.5 млрд сомду түзгөн. Ал эми 2022-жылы финансылык мекеменин уставдык капиталын 100 млн долларга чейин жеткирүү пландалууда.
Ошондой эле банк айыл чарба секторун 200 млрд сомго дейре насыялоону көздөөдө.
