КРда экономика орточо деңгээлде калыбына келүүдө. Январда инфляция – 11.1% түздү
КРда экономикалык жигердүүлүк орточо деңгээлде калыбына келүүдө. 2021-жылдын жыйынтыгы боюнча реалдуу ИДӨнүн өсүшү 3.6%ды, Кумтөрдү эске албаганда 3.9%ды түзгөнүн Улуттук банк билдирди.
- Кызмат көрсөтүү жана өнөр жай секторлорунда оң салым белгиленген.
- Айыл чарбасында жана курулушта өндүрүштүн кыскарышы экономиканы калыбына келтирүүдө тоскоолдук жараткан фактор болуп калды.
2022-жылдын январь айында (21-январь) инфляция жылдык мааниде 11.1%ды түзгөн, жыл башынан бери баалар 0.9%га өскөн.
УБ баа динамикасына негизги басым дүйнөлүк азык-түлүк рынокторунда баалардын өсүшүнүн уланып жатышынан жана 2022-жылдын январында алкоголдук жана тамеки заттарына акциздердин пландалган жогорулашынан келип чыккан. Үстүбүздөгү жылы күйүүчү-майлоочу материалдарга баанын өсүшү инфляцияга кошумча салымын кошуп жатканын белгиледи.
