Бийлик маркаланбаган алкоголдук жана тамеки продукцияларын жүгүртүүгө тыюу салды
2021-жылдын 1-июлунан тартып КРнын аймагында алкоголдук жана тамеки продукцияларын идентификациялоо каражаттары менен милдеттүү маркалоо киргизилген. 2022-жылдын 1-январынан тартып өлкөдө маркаланбаган алкоголдук жана тамеки продукцияларын жүгүртүүгө тыюу салынганын МСК эскертет.
Салык кызматы билдиргендей, салык төлөөчүлөр 2021-жылдын 31-декабрына чейин маркаланбаган продукциянын калдыктарын маркалоо мүмкүнчүлүгүнө ээ болушкан.
КРнын Укук бузуулар жөнүндө жөнүндө кодексине ылайык, колдонулган тийиштүү идентификациялоо каражаттарын кайра пайдалануу же товарларды ЕАЭБдин бажы аймагына ташып келүү, ошондой эле тийиштүү идентификациялоо каражаттарын колдонбостон товарларды сактоо жана сатууда – жеке жактарга 10 миң сом, юридикалык жактарга 28 миң сом өлчөмүндө айып салынат.
Товарларды маркалоо боюнча кошумча маалыматты «Текшер» системасынын www.teksher.kg сайтынан, ошондой эле (0312) 61-17-94, 61-15-60 номерлеринен алууга болот.
