Кыргызстан 2025-жылы 6,2 тонна алтын экспорттогон
2025-жылдын жыйынтыгы боюнча Кыргызстан алдын ала маалыматтарга ылайык 6,2 тонна алтынды 682,8 млн долларга экспорттогону Улуттук статистикалык комитеттин маалыматтарына жүргүзүлгөн талдоодо айтылат.
Белгилей кетсек, декабрь айында Кыргызстан алтын экспорттогон эмес.
2025-жылы алтын төмөнкү өлкөлөргө жеткирилген:
- Швейцария — 3,9 тонна, 437,8 млн долларга;
- Улуу Британия — 2,1 тонна, 233,2 млн долларга;
- Малайзия — 100 кг, 10,7 млн долларга;
- Түркия — 10,6 кг, 1 млн долларга;
- Кытай — 200 грамм, 24,7 миң долларга.
Ошол эле учурда 2024-жылга салыштырмалуу алтын экспорту 79,5%га кыскарган.
