Ош шаарынын 2022-жылга бюджети 1.6 млрд сом өлчөмүндө бекитилди
Ош шаарынын 2022-жылга бюджети 1 млрд 600 млн 510 миң сом деп бекитилди. Бул тууралуу Ош мэриясынын маалымат кызматы билдирди.
Берилген маалыматка таянсак, 2022-жылга жергиликтүү бюджеттин киреше бөлүгүнүн көлөмү (бюджеттик мекемелердин атайын каражаттарын кошкондо) 2021-жылдын бюджетине салыштырмалуу 242 млн 810 миң сомго көп болгон. Бул жылы эң көп каражат турак-жай жана коммуналдык кызмат көрсөтүү тармагына бөлүнөт. Аталган тармакка 559 млн 737 миң сом каралган.
- Ош шаарын жашылдандыруу жана көрктөндүрүү комбинатына – 122 млн 450 миң сом
- «Ошсвет» муниципалдык ишканасына шаардын көчөлөрүн жарык менен камсыз кылууга – 71 млн 99 миң сом
- жарандарды тейлөө борборуна – 9 млн 137 миң сом
- Ош шаарынын муниципалдык турак-жай коммуналдык башкармасына – 13 млн 305 миң сом
- Ош шаарынын муниципалдык менчик башкармалыгынын титулдук баракчасына – 93 млн 745.4 миң сом
- Ош шаарынын капиталдык курулуш башкармалыгынын титулдук баракчасына – 250 млн сом каралат
- билим берүү тармагына – 403 млн 500 миң сом
- экономикалык маселелер тармагына – 239 млн 605.3 миң сом
- эс алуу, спорт жана маданият тармагын каржылоого – 92 млн 249 миң сом
- социалдык коргоо тармагына – 20 млн 924 миң сом бөлүнөт.
