Финансы министрлиги Эл аралык өнүктүрүү ассоциациясынан каржылоо алды – сайтын иштеп чыгат
Финансы министрлиги Эл аралык өнүктүрүү ассоциациясынан (ЭАӨ) алган каражатынын бир бөлүгүн жаңы сайт жасоого жумшайт. Бул тууралуу министрликтин маалымат кызматы билдирди.
Министрлик «Мамлекеттик финансыны башкарууда потенциалды өнүктүрүү» экинчи долбоорун ишке ашыруу үчүн ЭӨАдан грант жана кредит түрүндө каржылоо алды жана каражаттардын бир бөлүгүн консультациялык кызмат көрсөтүүлөргө, тагыраак айтканда, интернет колдонуучулар үчүн бардык керектүү маалыматтарды камтыган «www.minfin.gov.kg» интернет-сайтын иштеп чыгууга жумшайт.
«Порталды түзүүнүн максаты – мамлекеттин бюджеттик, каржылык жана салык саясатынын негизги багыттары боюнча маалымат берүү, ошондой эле жарандар жана кызыкдар тараптардын кеңири чөйрөсү үчүн бюджеттик системалардын айкындуулугу жана ачыктыгы принцибин ишке ашыруу болуп саналат», – деп айтылат билдирүүдө.
Финансы министрлиги жогоруда көрсөтүлгөн кызматтарды көрсөтүүгө кызыкдар болгон консалтингдик фирмаларды иштешүүгө чакырат.
Кыска тизмеге кирүүгө консалтингдик компаниялар төмөнкү критерийлерге жооп бериши керек:
- Акыркы 5 жыл ичинде IT-долбоорлорду ишке ашырууда ийгиликтүү тажрыйба, КРдагы IT-долбоорлорду ишке ашыруу тажрыйбасы артыкчылык болуп саналат
- Веб-сайттарды, маалымат базалары менен маалыматтык системаларды түзүү тажрыйбасынын болушу
- Маалыматтык системаларды интеграциялоо боюнча тажрыйба.
Билдирүүлөр 2022-жылдын 3-мартына чейин төмөнкү дарекке жеткирилиши керек: 720040, Эркиндик бульвары 58/А, 302-кабинет. Телефон: 0312 62 03 57, 66 60 01. Факс: 0312 62 04 19.
