Улуттук банк доллардын курсун кармоо үчүн 13 млн доллар өлчөмүндө интервенция жүргүзүүдө
Улуттук банк бүгүн, 24-февралда доллардын курсун кармоо үчүн 13 млн доллар өлчөмүндө интервенция жүргүзүүдө. Бул тууралуу Улуттук банктын маалымат кызматы Economist.kg басылмасына билдирди.
Эскерте кетсек, Укранинадагы окуялардан улам Кыргызстанда рубль төмөндөп, доллардын курсу 95 сомго чейин жетти.
Белгилей кетсек, Кыргызстандагы бир катар коммерциялык банктар орус акчасынын туруксуздугуна байланыштуу доллар менен операцияларын токтотушкан.
Ошондой эле бүгүн Бишкектин бир катар комбанктары доллар менен операцияларды жүргүзүүнү жана акча алмаштырууну токтотушту. Берилген маалыматтарга караганда, акча алмаштыруу жайларында да доллар сатылбай жатат.
