Бишкек – Ош жолунда жүк ташуучу машиналардын жүрүүсүнө чектөө киргизилди
Бишкек – Ош унаа жолунда жүк ташуучу машиналардын жүрүүсүнө чектөө киргизилди. Бул тууралуу Жол коопсуздугун камсыздоо башкармалыгынын маалымат кызматы кабарлады.
Оор жүк ташуучу автоунаалардын өтүүсүнө чектөөлөр Төө-Ашуу жана Ала-Бел ашууларында, «Сосновка» жана «Чычкан» постторунда киргизилген. Ал аба ырайы турукташканга чейин күчүндө болот.
Маалыматка таянсак, учурда Төө-Ашуу, Ала-Бел жана Өтмөк ашууларындагы жолдордо кар көчкүсү болушу ыктымал. Ашууларда жолду тазалоого керектүү техника тартылып, машналардын коопсуз өтүүсү үчүн керектүү заттар төгүлүүдө.
Башкармалык айдоочуларды дөңгөлөк чынжырын алып жүрүүгө, каршы тилкеге чыкпоого (тыгын болгон учурда), атайын техниканын жүрүшүнө тоскоолдук кылбоого, жайкы дөңгөлөк менен жүрбөөгө жана унаалардын ортосунда 500 метр аралыкты сактоого чакырат.
