Автоунаа ээлери милдеттүү камсыздандыруу үчүн 1680 сомдон төлөөгө тийиш
Автоунаа ээлери үчүн жарандык жоопкерчиликти милдеттүү камсыздандыруу (ЖЖМК) келишимдери боюнча негизги камсыздандыруу төгүмдөрүнүн өлчөмү 1680 сом өлчөмүндө белгиленди. Бул тууралуу Министрлер кабинетинин маалымат кызматы билдирди.
Белгилей кетсек, Кыргызстанда ЖЖМК боюнча камсыздандыруу суммаларынын минималдуу өлчөмдөрү, жоопкерчилик лимиттери жана камсыздандыруу төгүмдөрүнүн тарифтери бекитилген.
Жабыркагандарга төлөмдөр:
- жабырлануучунун өлүмү – 300 миң сом
- жабырлануучуга I топтогу майыптык белгилөө – 200 миң сом
- жабырлануучуга II топтогу майыптык белгилөө – 150 миң сом
- жабырлануучуга III топтогу майыптык белгилөө – 100 миң сом
- жаш балага майыптык – 200 миң сом
- ден соолугуна майыптыгын белгилебестен келтирилген зыян – амбулатордук жана (же) стационардык дарылоого иш жүзүндөгү чыгымдардын өлчөмүндө, бирок 100 миң сомдон ашык эмес
- жабырлануучулардын мүлкүнө зыян келтиргендиги үчүн – келтирилген зыяндын өлчөмүндө, бирок ар бир жабырлануучуга 150 миң сомдон ашык эмес жана бардык жабырлануучуларга 450 миң сомдон ашык эмес.
