Энергетикалык компанияларды бириктирүү жол-жоболору аяктады
КРнын энергетика тармагындагы түзүмдөштүрүү реформаларын жүргүзүүнүн алкагында 23-26-мартта «Түндүк электр» ААКда, «Кыргызстандын УЭТ» ААКда, «Чыгыш электр» ААКда, «Ошэлектр» ААКда, «Жалалабадэлектро» ААКда, «Электр станциялары» ААКда жана «Бишкекжылуулуктармагы» ААКда акционерлердин кезексиз жыйыны өткөнүн «Улуттук энергохолдинг» компаниясы билдирди.
Жыйындын жыйынтыгы менен аталган энергетикалык компанияларды кайра түзүмдөштүрүү чечими кабыл алынып, бөлүштүрүүчү энергетикалык компаниялар «Кыргызстандын УЭТ» ААКга кошулат.
Ал эми «Бишкекжылуулуктармагы» ААК «Электр станциялары» ААКга кошулат.
«Реформалар жасалган соң энергетикалык компаниялардын чыгымдары, административдик чыгымдар кыскартылып, сатып алууларды бириктирүүдөн экономикалык натыйжа алынып, бизнес-процесстерди автоматташтырылып, электр энергиянын сатуу жолдору жана айкындуулугу жакшыртылып, электр чарбасын реконструкциялоо менен электр тармактарындагы жоготууларды азайтылып оптималдаштырылышы мүмкүн», – деп айтылат билдирүүдө.
Мындан тышкары, оптималдаштырылган каражат жаңы иштеп чыгуучу кыбаттуулуктарды киргизүү, энергия жабдууларын реконструкциялоо жана жаңылоо, КРнын энергетикалык коопсуздугун бекемдөө долбоорлорун жүзөгө ашырууга жумшалмакчы.
Кошумча окуңуз: КРнын бардык ортомчу компаниялары «Кыргызстандын улуттук электр тармагына» биригет
«Бишкекжылуулуктармагы» кайра түзүлүп, «Электр станцияларына» кошулат
