Матрезервге кошумча 12 миң тонна кумшекер, 5 миң тонна өсүмдүк майы алынат
Мамлекеттик материалдык резервге кошумча 12 миң тонна кумшекер, 5 миң тонна өсүмдүк майы алынат. Мындай маалыматты бүгүн, 30-мартта Жогорку Кеңештин жыйынында Министрлер кабинетинин төрагасынын жаңы дайындалган орун басары Бакыт Төрөбаев билдирди.
Анын айтымында, доллардын курсунун түшүп жатканынын негизинде бир топ тапшырмалар берилген. Кумшекердин жеңилдетилген баасы килограммына 68 сом болуп жаткан болсо, азыр 60 сомго түшкөн, дүң баада 78 сом болсо 75 сомго төмөндөтүлгөн.
Ошондой эле Төрөбаев өсүмдүк майы тууралуу маалымат берип жатып, кээ бир импортерлор доллар менен, кээ бирлери рубль менен иштей тургандыгын жана түштүктө май чыгаруучу завод ишке кирсе 5 литр май 700 сомдон ашпай тургандыгын билдирди.
«Матрезервге кошумча акча бөлүндү, 12 миң тоннага жакын кумшекер алабыз, 5 миң тонна өсүмдүк майын алабыз», – деди ал.
