Корея Кыргызстандын жарандарын ишке алуу квоталарын миңден 1800гө көбөйттү
Жумушчу күчүн жөнөтүү боюнча кол коюлган Меморандумдун алкагында Корея КРнын жарандарын ишке орноштуруу үчүн квоталык орундардын санын көбөйттү. Бул тууралуу «Кабар» агенттигинде өткөн маалымат жыйынында КР Эмгек, социалдык коргоо жана миграция министрлигинин алдындагы Жарандарды чет өлкөдө ишке орноштуруу борборунун директору Кубандык Акматбеков билдирди.
Кубатбеков Меморандумга 2007-жылы коюлганын жана он беш жыл ичинде КРнын 5 миңдей жараны Кореяда иштеп келгенин жана бүгүнкү күндө да жарандарды ишке орноштуруу уланып жатканын билдирди.
«Белгилей кетсек, учурда корей тарап КРнын жарандарын ишке орноштуруу үчүн квоталуу орундардын санын көбөйтүү чечимин кабыл алды. Мурда квотадагы орундардын саны 1 миңге жетпесе, бөлүнгөн жумуш орундарынын саны 1 миң 800гө жетти», – дейт Акматбеков.
Белгилей кетсек, түзүлгөн меморандумдун алкагында Кореяда иштеген КРнын жарандарына «Эмгек стандарттары жөнүндө», «Эмгекти коргоо жана минималдуу эмгек акы жөнүндө» мыйзамдардын, иш ордунан тышкары кырсык же жаракат алган учурда, кепилденген камсыздандыруу жоболору колдонулат.
