КРнын жарандарына Улуу Британиянын айыл чарба тармагында иштеп келүүгө 1000 квота бөлүндү

Үстүбүздөгү жылы КРнын жарандарынын Улуу Британия өлкөсүндө айыл чарба багытындагы мезгилдик жумуштарга иштеп келүүсү үчүн 1 миң квота бөлүндү. Бул тууралуу Жарандарды чет өлкөгө жумушка орноштуруу борборунун директору Кубандык Акматбеков билдирди. 

Акматбеков 16-мартта Улуу Британиядагы AgriHR компаниясы менен келишим түзүлгөнүн, ага ылайык, жарандар 6 айга чейин айыл чарба жумуштарында иштөөгө мүмкүнчүлүк бергенин айтты.

Улуу Британиянын мамлекеттик программасы 2024-жылга чейин созулат. Акматбеков учурда 1 миң квота бөлүнгөнүн айтып, Жарандарды чет өлкөгө жумушка орноштуруу борбору тандоо процессине эч кандай тиешеси жоктугун билдирди. 

AgriHR компаниясынын Кыргызстандагы филиалынын директору Айгүл Эшенкулова Улуу Британиянын айыл чарба тармагына жумушчуларды тартуу боюнча мамлекеттик программасы 1948-жылдан бери иштеп келе жатканын айтып, программа мамлекеттик болгондуктан компания кызмат акы албай тургандыгын жана жарандар бир гана визага, учак билетине жана ал өлкөдө иштеп, айлык алганга чейинки чыгымын өзү жаба тургандыгын айтты.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Акыркы жаңылыктар

Баары

Мирлан Урматов Кадамжай районунун акими болуп дайындалды

Баткенде 500 млн сомдук долбоорлордун жыйынтыгы талкууланды

Барскоондо жер тилкелерин мыйзамсыз пайдалангандарга айып салынды

Ат-Башыда жылытуу үчүн колдонулган отундардын сапаты текшерилди

Жалгыз бой ата-энелерге иштен эрте кетүүгө же кечигүүгө укук берүү сунушталууда