Авиакомпания, эки учак – президенттин жаңы кеңешчисинин кандай бизнестери бар?
Президент Садыр Жапаров кол койгон жарлыкка ылайык, Тентишев Эркин Саткынбаевич президенттин коомдук башталыштагы кеңешчиси болуп дайындалды. Бул тууралуу президенттин басма сөз кызматы билдирди.
Тентишев кеңешчи болуп дайындалганга чейин президенттин Чүй облусу боюнча ыйгарым укуктуу өкүлү болуп, бул кызматка чейин жеке ишкерлик менен алектенип келген. Ыйгарым укуктуу өкүлдүн кызматына киришкен Тентишев журналисттерге кыскача маек куруп, анда эки учакты өз каражатына сатып алганын айтты.
osoo.kg сайтынын маалымат базасына ылайык, Эркин Тентишев бир нече компаниялардын ээси жана тең негиздөөчүсү болуп саналат, тагыраак айтканда:
- «Эркин Эйр» ЖЧК (авиакомпания)
- «АВЕС» ЖЧК (брондоо жана туризм тармагындагы башка иш-чаралар)
- ЖЧК «Ультра Проф Сервис» коопсуздук жана детективдик агенттиги (жеке күзөтчүлөрдүн жана жеке күзөт бюролорунун ишмердүүлүгү)
- «Тентишев Саткынбай атындагы Азия медициналык институту» ЖЧК (Жалпы медициналык практика жаатындагы ишмердүүлүк)
- «ТРАСТ-АЗИЯ» ЖЧК (Бодо малды асылдандыруу)
- «Бирге элим» (Гезиттерди чыгаруу).
