«Кайыңды-Кант» кумшекер чыгарган заводдун акционерлери 123 млн сомдон дивиденд алышат
«Кайыңды-Кант» кант заводунун акционерлери 2021-жылы 122 млн 625 миң сомдон дивиденд алышат. Бул тууралуу маалымат заводдун акционерлеринин 31-мартта өткөн жылдык жалпы чогулушунун жыйынтыгында айтылды.
Акционерлердин чогулушунда башка маселелер менен катар 2021-жылга 490 млн 498 миң сомду түзгөн пайданы бөлүштүрүү боюнча чечим кабыл алынды.
367 млн 874 миң сом өлчөмүндөгү пайданын басымдуу бөлүгүн (75%) заводдун карамагында калтыруу чечими кабыл алынган.
Таза пайданын калган 25%ы акционерлерге дивиденддерди төлөөгө жумшалат – бул 122 млн 625 миң сомду түзөт. Бир акцияга дивиденддин суммасы 52.8 сомду түздү.
Белгилей кетсек, «Кайыңды-Кант» ААКтын маалыматы боюнча 872 адам компаниянын акционерлери болуп саналат. 5%дан ашык үлүшү бар акционерлер жөнүндө маалыматтар акционердик коомдун отчетунда көрсөтүлбөйт.
