Өткөн жылы Кыргызстан Өзбекстандан 317 млн долларга товар сатып алган – мурдагы жылга караганда 68%га көп
2021-жылы Кыргызстан менен Өзбекстандын ортосундагы товар жүгүртүү 497 млн долларды түздү. Бул тууралуу Экономика жана коммерция министри Данияр Амангелдиев Өзбекстандын чек арага жакын облустарынын акимдер Кеңешинин, КР Министрлер Кабинетинин төрагасы Акылбек Жапаров жана Өзбекстандын Премьер-министри Абдулла Арипов жетектеген төртүнчү жыйынынга катышуу учурунда айтылды.
2021-жылы Кыргызстан менен Өзбекстандын ортосундагы товар жүгүртүү 497 млн долларды түзүп, 2020-жылга салыштырмалуу 45.3%га өстү. Анын ичинде экспорт 180.1 млн долларды түзсө (18%га), импорт 316.9 млн долларга (68%га көп) өскөн.
Амангелдиев өз сөзүндө КР менен Өзбекстандын чек арадагы кызматташтыгы кыргыз-өзбек мамилелеринин ажырагыс жана негизги бөлүгү болуп саналаарын белгиледи. «Соода, экономикалык, инвестициялык байланыштарды көбөйтүү жана диверсификациялоо, эки өлкөнүн чек ара аймактарынын ортосундагы ишкер байланыштарды жана маданий иш-тажрыйба алмашууну кеңейтүү, жалпысынан көп тармактуу эки тараптуу кызматташтыкты тереңдетүүнүн маанилүү фактору болуп саналат», – деди ал.
