Июнь айында Самара, Новосибирск жана Казань шаарларына поезддердин каттамы жанданат

6-9-июнь күндөрү Кыргызстандан Россияга эл аралык жүргүнчү ташуучу поезддердин каттамы жанданат. Бул тууралуу «Кыргыз темир жолу» мамлекеттик ишканасынан билдиришти.

Маалым болгондой, кыймыл төмөнкү багыттар боюнча жүрөт:

• Бишкек – Самара: 8-июндан баштап, Бишкектен шаршемби жана жума күндөрү, жумасына эки жолу жүрөт

• Бишкек – Казань: 6-июндан баштап, Бишкектен дүйшөмбү күндөрү, жумасына бир жолу жүрөт

• Бишкек – Новосибирск: 9-июндан баштап, Бишкектен сегиз күндө бир жолу каттап баштайт.

Ошол эле учурда бул поезддердин билеттери сатыкка чыга элек. «Кыргыз темир жолу» билеттерди сатуунун датасын кошумча жарыялоону убада кылды.