Кыргызстан Россиядан күйүүчү майдын 70%ын рубль менен сатып ала баштады
Кыргызстандын нефтетрейдерлери Россиядан күйүүчү-майлоочу майды (КММ) рубль менен сатып ала баштаганын жогорку Кеңештин жыйынында Монополияга каршы жөнгө салуу агенттигинин жетекчиси Кеңешбай Тайлаков билдирди.
Анын айтымында, күйүүчү майды россиялык валюта менен ала баштагандарына бир айдай болуп калган.
«Бүгүнкү күндө нефтетрейдерлер күйүүчү майдын 70%ын рубль менен, калганын доллар менен сатып алышууда. Алар орус валютасына жакында эле, 20 күн мурда өтүштү», – деди ал.
