Үрүмчү - Бишкек аба каттамы жанданат
Үрүмчү – Бишкек авиакаттамы жанданды. Бул тууралуу «Манас” эл аралык аэропорту” ААКтын маалымат кызматы билдирди.
2020-жылы коронавирус пандемиясынан улам убактылуу токтотулган Үрүмчү – Бишкек – Үрүмчү багыты боюнча үзгүлтүксүз каттамдар кайра жанданууда.
Эртен 5-июлдан тартып, «Түштүк Кытай аба жолдору» авиакомпаниясы каттамдарды жумасына бир жолу – шейшемби күндөрү аткарат. Учуу убактысы 2 саатты түзөт.
Белгилей кетсек, Кытайга аба каттамдар 2020-жылы коронавирус пандемиясынан улам үзгүлтүккө учураган болчу.
Пандемияга чейин China Southern Airlines авиакомпаниясы Үрүмчү –Бишкек – Үрүмчү багытында үзгүлтүксүз аба каттамын аткарып келген.
