Финансы министри кандай айлык аларын айтты
Финансы министри Алмаз Бакетаев Economist.kg-ге айлык маянасы тууралуу айтып берди.
- Алмаз Бакетаев менен болгон маекти толугу менен бул жерден окуңуз: Кыргызстандын тышкы карызы, маяна, салык маселеси — Финансы министри менен кенен маек
Министрдин айтымында, анын айлыгы 42 миң сомду түзөт. Ал төлөмдөр жана жөлөкпулдар системасы жөнгө келтирилгенин айтты, болбосо мурда ким канча алат экени белгисиз болчу.
Эмгек акы фонду кепилденген бөлүктөн, башкача айтканда, эмгек акыдан, компенсациялык жана кызыктыруучу бөлүктөн турушу керек. Бул бөлүктөрдүн катышы 60-70% жана 40-30% болушу керек, деп түшүндүрдү Бакетаев.
«Мугалимдер бул системага биринчилерден болуп кирген. Башкача айтканда, алар иштеген сааттары, тажрыйбасы жана жетишкендиктери үчүн айлык алышат. Бүгүнкү күндө орточо стажы бар мугалим 33-35 миң сом алат. Мен, финансы министри, алардан бир аз көбүрөөк – 42 миң сом алам», – деди ал.
