Финансы министрлиги 5 жылдык системалуу өнүгүүнүн натыйжаларын жарыялады
2021–2025-жылдар КРда инфратүзүмдү жана экономиканы системалуу чыңдоо мезгили болду: жалпы 173 596,1 млн сом өздөштүрүлүп, транспорт, энергетика, суу менен камсыздоо, саламаттык сактоо жана агрардык сектор боюнча стратегиялык долбоорлор ийгиликтүү ишке ашырылды. Мындай билдирүүнү КРнын Финансы министрлигинен маалымдап, бул инвестициялар туруктуу өсүш үчүн бекем негиз түзүп, өлкөнүн бардык аймактарында жарандардын жашоо сапатын жогорулатып жатканын белгилешти.
Ага ылайык, Транспорт тармагы 5 жылда — 47 771,4 млн сом жумшап, шаардык автопаркты жаңыртып: 124 автобус жана 120 электробус алып, 85 кубаттоо станциясын орноткон. Ири жол долбоорлору аяктап: альтернативдүү Түндүк–Түштүк жолу, Бишкек–Ош жолунун бир катар тилкелери, ошондой эле Түп–Кеген эл аралык жолу ишке берилген.
Энергетика тармагы 5 жылда — 38 402,3 млн сомго «Датка» подстанциясынан 500 кВ чыңалуудагы 329,63 чакырым аба электр линиясы курулган. 500,1 миң даана «акылдуу» эсептегич орнотулган. Ошэлектро, Ысык-Көл жана Нарын электр тармактар ишканасы үчүн жалпы 719,5 чакырым электр линиялары тартылып, 117 352 даана эсептөө прибору орнотулган.
Суу менен камсыздоо тармагы 5 жылда — 23 165,7 млн сомго 796 айыл коопсуз ичүүчү суу менен камсыз болду. 76 айылда иштер толугу менен аяктап, 174 миң адам таза суу менен камсыз болду. 258 айылда курулуш жана реабилитациялоо иштеринин уландысы жүрүүдө. Каракол шаарындагы канализациялык-тазалоо курулмаларынын курулушу соңку этабына чыкты.
Саламаттык сактоо тармагы 5 жылда — 6 597,1 млн сом жумшап, Улуттук перинаталдык борбор пайдаланууга берилди. 10 ПЦР-лаборатория заманбап жабдуу менен камсыздалды. Аймактык оорукана жана тез жардам кызматтары үчүн жаңы медициналык жабдуулар жана унаалар сатып алынды.
Айыл чарба жана ирригация тармагы 5 жылда — 16 878,3 млн сомго 17,7 миң уй жасалма уруктандырылып, 10 миңге жакын торпок алынды. 11 000 баш мал сатып алынып, 7378 фермер колдоого алынды. 12 162 га сугат жерлер модернизацияланды. 17,981 чакырым магистралдык жана 29,717 чакырым ички чарбалык каналдар курулду.
