Токтогул суу сактагычына 4 млн даана толстолоб балыгынын личинкалары коё берилди
Токтогул суу сактагычында балык запастарын көбөйтүү жана сактоо максатында 4 млн даана толстолоб балыгынын личинкалары коё берилди. Бул тууралуу Айыл чарба министрлигинин маалымат кызматы билдирди.
Балыктандыруу иш чарасы «Максимум Фиш» ЖЧКсы тарабынан уюштурулуп, «Токтогул балык чарбасы» мамлекеттик мекемесинин, «Токтогул балыгы» ЖЧКсынын өкүлдөрү, КР Улуттук илимдер академиясынын Биология институтунун илимий кызматкерлери жана Мамлекеттик экологиялык жана техникалык коопсуздук боюнча Токтогул районунун аймактык бөлүмүнүн өкүлдөрү менен биргеликте өткөрүлгөн.
