Кыргызстандык балбан кыз пара жеңил атлетика боюнча дүйнөлүк мелдеште алтын медаль жеңип алды
Адина Самыйбек кызы пара жеңил атлетика боюнча дүйнөлүк Гран-при мелдешинде алтын медаль жеңип алды. Мындай билдирүүнү Дене тарбия жана спорт мамлекеттик агенттигинен кабарлашты.
Маалыматка ылайык, КРнын пара жеңил атлетика боюнча улуттук курама командасынын мүчөсү Адина Самыйбек кызы дүйнөлүк Гран-при мелдешинде диск ыргытуу боюнча биринчи орунду ээлеп, алтын медаль тагынган.
Аталган эл аралык мелдеш 6–14-февраль күндөрү Бириккен Араб Эмираттарынын Дубай шаарында өткөн. Ал эми мелдешке 42 өлкөдөн 370 спортчу катышкан.
