Бишкектен Пакистандын Лахор шаарына аба каттамы ачылды
«Манас» эл аралык аэропорту» (Кыргызстандагы бардык аэропорттордун оператору, мамлекеттик үлүшү 79%) Бишкек — Лахор аба каттамы ачылганын кабарлады.
«МЭА» ААК ата мекендик «Аэро Номад Эйрлайнс» авиакомпаниясы Бишкек – Лахор – Бишкек багыты боюнча туруктуу каттам аткара баштаганын кабарлады.
Белгиленген багыт боюнча туруктуу авиакаттам биринчи жолу ачылып жатат. Учуулар жумасына бир жолу – шейшемби күндөрү аткарылат.
Аталган авиакомпанияга караштуу учак Пакистандын эң ири шаарларынын биринде 2022-жылдын 30-августунда конгон.
