Курулуш министрлиги "Дөөлөт курулуштун" курулуштарын жандандырат

Мелис Совет уулу

15 февр. 2026 18:32

Курулуш министри Нурдан Орунтаев "Дөөлөт курулуш" компаниясынын үлүшчүлөрү менен "Кудайберген" турак жай комплексинин курулуш аянтчасында жолугушкаын Курулуш министрлигинин басма сөз кызматы билдирди. Жолугушууга министрдин орун басарлары, тиешелүү департаменттердин жетекчилери жана үлүшчүлөрдүн өкүлдөрү катышкан.

Айрым жарандар аталган компаниядан батирлерди болжол менен төрт жыл мурда сатып алышкан. Бирок курулуш иштери токтоп калгандыктан, алар бүгүнкү күнгө чейин батирлерин ала элек.

Министрлик буга чейин курулуш иштерин жандандыруу боюнча эскертүүлөрдү берип, милдеттүү көрсөтмөлөрдү чыгарган. Бирок үлүшчүлөрдүн каражаттарынын натыйжасыз пайдаланылышы жана каржылык кыйынчылыктарга байланыштуу курулуш иштери токтоп калган.

Министр белгилегендей, комплекстүү чаралардын алкагында "Дөөлөт курулуш" компаниясынын активдери мамлекетке өткөрүлүп берилет. Ал эми объектилердеги курулуш иштери этап-этабы менен кайра жандандырыла баштайт.

"Кудайберген" жана "Шопоков" турак жай комплекстерин эки жыл ичинде бүтүрүү пландалууда. Ошондой эле токтотулган курулуш иштерин бир айдын ичинде кайра башталат. Мындан тышкары, документтер жана келишимдер кайрадан каралып чыгат.

"Батирлердин баасы базар баасынан жогору болбойт. Үлүшчүлөрдүн каражаттары курулуш иштерин жүргүзүүгө гана жумшалат", — деди Нурдан Орунтаев.

Ар бир үлүшчү менен түзүлгөн келишим тиешелүү адистер тарабынан кайра каралат. Министрликтин маалыматы боюнча, каражаттарды пайдалануу министрликтин жоопкерчилиги алдында ишке ашырылат жана батирлер бекитилген график боюнча тапшырылат.

Эске салсак, Президенттин иш башкармалыгынын маалыматына ылайык, үлүшчүлөр жалпы 1 млрд сомдон ашык каражат төлөшкөн. Ал эми компаниянын эсептеринде жарандардын 900 млн сомдон ашык каражаты болушу керек экени айтылган. Бул маселени териштирүү үчүн атайын жумушчу комиссия түзүлгөн.

Мындан тышкары окуңуз

Бишкек – Балыкчы – Нарын –Торугарт жолу кардан тазаланып, жол ачылды

Бишкек – Балыкчы – Нарын –Торугарт унаа жолунун 470-544 чакырым аралыгы кардан тазаланып, эки тараптуу каттам берилди. Транспорт жана коммуникациялар министрлигинин маалымат кызматынан белгилешинче, учурда министрликтин кызматкерлери тарабынан атайын техникалар тартылып, жолду кеңейтүү иштери жүрүүдө. Буга чейин Бишкек – Балыкчы – Нарын – Торугарт автожолунун 445-544-чакырымына түндө кар жаап, анын калыңдыгы 25-35 сантиметрге чейин жеткен.

Негизсиз берилбей келген кепилдик төлөмү ишкерге кайтарылды

Прокурордук текшерүүнүн жыйынтыгында ишкерге тиешелүү болгон кепилдик төлөм кайра кайтарылды. Маалыматка караганда, ишкер акча каражатын кайтарып берүү өтүнүчү менен бир нече жолу мамлекеттик органга кайрылган. Бирок мыйзамдуу негиздер болгонуна карабастан, анын арыздары узак убакыт каралбай келген. Көрүлгөн прокурордук чаралардын негизинде ишкердин укуктары калыбына келтирилип, негизсиз кармалып турган 692 миң 800

Кимдер дары-дармекти арзандатылган баада ала алышат?

Кыргызстанда милдеттүү медициналык камсыздандыруу (ММК) системасында камсыздандырылган жарандар үчүн дары-дармек менен жеңилдетилген камсыздоо программасы иштейт. Бул программа аркылуу айрым дары-дармектерди дарыгердин рецепти менен арзандатылган баада сатып алууга болот. Бул тууралуу Саламаттыкты сактоо министрлигинен маалымдашты. Билдирүүгө караганда, жеңилдиктен пайдалана ала турган жарандардын катарына пенсионерлер, 18 жашка чейинки балдар, күндүзгү бөлүмдө 21

Садыр Жапаров Европа Биримдигинин Борбор Азия боюнча Атайын өкүлү менен жолукту

Президент Садыр Жапаров 5-июнда, Европа Биримдигинин Борбор Азия боюнча Атайын өкүлү Эдуардс Стипрайсты кабыл алды. Бул тууралуу президенттин расмий баракчасына жарыяланды. Маалыматка ылайык, Мамлекет башчысы Европа Биримдиги менен өз ара аракеттенүү жана “Борбор Азия – Европа Биримдиги” форматында аймактык кызматташууну чыңдоо Кыргызстандын тышкы саясатынын артыкчылыктуу багыттарынын бири болуп саналарын баса белгиледи.