Президенттик аппарат жана Садыр Жапаров Баткендеги согуштук аракеттерге бир суткадан бери реакция кыла элек
Кыргыз-тажик чек арасында ок атышуу боюнча алгачкы маалыматтар 15-сентябрдан тарта түшө баштаган. 16-сентябрга караган түнү жаңжал күчөгөн. Баткен районунун чек арага жакын жайгашкан айылдарынын тургундарын эвакуациялоо иштери жүрүүдө.
Бирок президенттик аппарат жана мамлекет башчысы Садыр Жапаровдун өзү азыркы кырдаалга дагы эле эч нерсе деген жок.
Эске салсак, Садыр Жапаров азыр Самаркандда иш сапары менен жүрөт жана ал жерде ШКУга мүчө мамлекеттердин башчыларынын жыйыны өтүп жатат. Анда тажик лидери Эмомали Рахмон да бар.
Мамлекет башчынын расмий сайтында президент Кытай, Россия, Өзбекстан, Иран жана Пакистан сыяктуу өлкөлөрдүн жетекчилиги менен жолугушууларды өткөргөнү айтылат. Бирок өлкөнүн түштүгүндө куралдуу кагылышуулар болгондугу тууралуу маалымат жок.
