Улуттук банк алтын куймаларын КФБнын соода аянтында сатыкка чыгарганын расмий билдирди
КРнын Улуттук банкы Кыргыз фондулук биржасы (КФБ) менен биргеликте 1, 2, 5, 10, 31,1035 г (1 трой унциясы) жана 100 г салмактагы өлчөнгөн алтын куймаларды «КФБ» ЖАКтын соода аянтында сатууну баштаганын кабарлады.
Маалыматка таянсак, алтындарды биржада сатыкка чыгаруу КРнын ички рыногунда баалуу металлдар рыногун өнүктүрүү, анын ичинде зергерчилик тармагын чийки зат менен камсыздоо жана баалуу металлдар менен операциялар түрүн арттыруу максатында ишке ашырылууда.
Буга чейин Economist.kg кабарлагандай, КФБ менен Улуттук банктын ортосунда алтын куймаларды биржада сатыкка чыгарууну уюштуруу боюнча келишимге кол коюлган.
Белгилей кетсек, Финансы министрлигине караштуу Баалуу металлдар департаменти, коммерциялык банктар, жеке ишкерлер жана Баалуу металлдар департаментинин ыйгарым укуктуу мамлекеттик органында катталган башка адамдар да КФБдагы сооданын катышуучусу боло алат.
Улуттук банк 1-февралдан тартып, атамекендик өндүрүштүн алтын куймаларын сатыкка чыгарып баштаган. Аффинаждалган алтын куймалары «Кыргызалтын» ААК тарабынан 10 900 граммдан 13 400 граммга чейинки салмакта даярдалган жана куйманын лигатурдук салмагынын кеминде 99.95%ын химиялык таза металл түзөт.
Кошумча окуңуз:
Улуттук банк 12 кг алтын куймаларын сатып баштады. Бир куймасы канча турат?
Жыл башынан бери кыргызстандыктар Улуттук банктан дээрлик 223 кг алтын сатып алышты
