Улуттук банк комбанктардын уставдык капиталынын минималдуу өлчөмүн көбөйтүү маселесин карайт
Улуттук банк ченемдик укуктук актынын долбоорун иштеп чыгууну, ошондой эле коммерциялык банктардын уставдык жана өздүк (регулятордук) капиталынын өлчөмүн көбөйтүү маселеси боюнча кызыкдар тараптардын сунуштарын чогултат. Бул тууралуу өлкөнүн башкы банкынын сайтында маалымдалды.
Анда маалым болгондой, банк системасынын туруктуулугун, ишенимдүүлүгүн жана бекемдигин жогорулатуу, ошондой эле банк системасынын тобокелдиктеринин ордун жабуу жана банктардын коопсуз иши үчүн зарыл болгон капиталдык базаны чыңдоо жана колдоо максатында, кайрадан түзүлгөн жана иштеп жаткан банктар үчүн (чет өлкө банктарынын филиалдарынын капиталына карата талаптарды кошуу менен) уставдык жана өздүк (жөнгө салуучу) капиталдын минималдуу өлчөмүн көбөйтүү тууралуу маселе каралып жатат.
Белгиленгендей:
- Сунушталган жөнгө салуу коммерциялык банктарга тиешелүү
- Капиталдаштыруу зарылдыгы учурунда сунуш кылынган жөнгө салуу субъектилери сарптоолорго туш болот
- Долбоор КРнын бюджетинен кошумча чыгашаларды талап кылбайт.
Улуттук банк комбанктардын уставдык жана өздүк (жөнгө салуучу) капиталынын өлчөмүн көбөйтүү маселеси боюнча кызыкдар тараптардын сунуштарын расмий сайтында аталган даректер боюнча күтөт.
