АӨБ Кыргызстанга берилчү 50 млн долларлык жаңы долбоорду жактырды
Азия Өнүктүрүү Банкы (АӨБ) Кыргызстандын экономикасын диверсификациялоо үчүн экономиканын өсүүсүн жакшыртуу жана өлкөнүн тышкы таасирлерге туруктуулугун жогорулатууга 50 млн долларлык долбоорду жактырды. Бул тууралуу аталган уюмдун басма сөз кызматы билдирди.
25 млн доллар грантты жана 25 млн доллар жеңилдетилген насыяны камтыган долбоор АӨБдүн COVID-19 пандемиясы сыяктуу олуттуу макроэкономикалык көйгөйлөрдүн шартында структуралык реформаларды ишке ашырууда өкмөткө колдоо көрсөткөн “Экономиканы диверсификациялоону илгерилетүү” программасын улантат.
«КРнын экономикасын диверсификациялоо кыргыз экономикасын алтын казып алуу жана акча которуулардан ашыкча көз карандылыгынан арылтуу үчүн реформаларды тездетүү, экономиканын тышкы таасирлерге туруктуулугуна жана өлкөнүн орто жана узак мөөнөттүү өсүү траекториясын жакшыртууга жардам берет», – дейт АӨБ Борбордук жана Батыш Азия боюнча департаментинин директору Евгений Жуков.
Жуковдун айтымында, АӨБ өлкөнүн инвестициялык климатын жакшыртууга, жумуш орундарын жана жаңы жашоо каражаттарын түзүүгө мүмкүндүк берүүчү реформаларды колдоого умтулат. Долбоор сооданын жана инвестициянын атаандаштыкка жөндөмдүүлүгүн жогорулатууга, минералдык эмес секторду өнүктүрүүгө, чакан жана орто бизнести (ЧОИ) колдоого багытталган реформаларды колдойт.
Колдоого алынган реформалар ошондой эле инфраструктураны жакшыртуу, сектордук көндүмдөрдү бекемдөө жана фискалдык башкарууну жана социалдык коопсуздук тармактарын жакшыртуу үчүн мамлекеттик-жеке өнөктөштүктү илгерилетет.
