ЕРӨБдүн каржылоосу менен Ошто санитардык полигон курулат
Ошто жаңы санитардык полигон пайда болот жана ал Европа реконструкциялоо жана өнүктүрүү банкынын (ЕРӨБ) долбоорунун алкагында курулат. Бул тууралуу кечээ, 27-сентябрда сессиянын жүрүшүндө Ош шаарынын вице-мэри Сонунбек Жунусбаев билдирди.
Учурдагы полигондун жанына жаңы санитардык полигон курулат. Жаңы полигондун пландалган аянты 24 гектарды түзөт жана ЕРӨБ долбоорунун алкагында жүргүзүлөт.
“Биз 5 жылдан бери башка жактан, шаардын четинен жер издеп жүргөнбүз. Бирок таппай, азыркы жердин жанына куруу чечими кабыл алынды. Учурда даярдык иштери жүрүп жатат. Бирок, азыр иштеп жаткан полигонду рекультивациялоону европалык стандартка ылайык жүргүзүү зарыл, андан кийин ал жабылат. Андан ары алдын ала долбоор даярдалгандан кийин европалык стандартка ылайык жаңы санитардык полигонду куруу иштери башталат”, – деди Жунусбаев.
