Монополиялык жогорку бааны аныктоонун тартиби бекитилди
Монополиялык жогорку (төмөн) бааны аныктоонун тартиби бекитилди. Тиешелүү чечимди минкаб кабыл алды.
Минкабдын маалымат кызматы белгилегендей, аталган чечим “Атаандаштык жөнүндө” КРнын Мыйзамынын 41 жана 42-беренелерин ишке ашыруу максатында кабыл алынган.
“Товардык рынокто үстөмдүк абалды ээлеген чарба жүргүзүүчү субъект тарабынан товарга монополиялык жогорку (төмөн) баа коюлгандыгы аныкталган учурда монополияга каршы орган тарабынан Монополиялык жогорку (төмөн) бааны аныктоонун тартиби колдонулат”, -деп айтылат маалыматта.
Монополиялык жогорку (төмөн) бааны аныктоо тартибин кабыл алуу менен үстөмдүк кылуучу ишканалардын кыянатчылыктарын кароодо белгисиздик жана укуктук вакуум жоюлат.
