МСК тогуз айда 148 млрд сом салык жана камсыздандыруу төгүмдөрүн жыйнады
Салык кызматы 9 айда 148 млрд сомдон ашык салык жана камсыздандыруу төгүмдөрүн жыйнады. Бул тууралуу МСКнын маалымат кыматы билдирди.
2022-жылдын январь-сентябрь айларында Мамлекеттик салык кызматы 148 млрд 125 млн сом салык жана камсыздандыруу төгүмдөрүн жыйнады, бул өткөн жылдын көрсөткүчүнөн 44.3 млрд сомго көп.
Анын ичинде 111 млрд 755.4 млн сом салык жана төлөмдөр чогултулду. Белгиленген план 236.8 млн сомго ашыгы менен аткарылды.
Камсыздардыруу төгүмдөрү боюнча чогултулган сумма 36 млрд 369.6 млн сомду түздү. 2021-жылдын ушул мезгилине салыштырмалуу 8 млрд 443.4 млн сомго көп жыйналды (өсүү ыргагы 130.2%).
Буга чейин Economist.kg кабарлагандай, Мамлекеттик салык кызматына 2022-жылы 155.6 млрд сом салыктарды жана 41.7 млрд сом камсыздандыруу төгүмдөрүн чогултуу боюнча тапшырма коюлган.
