Быйыл айыл чарба тармагына 26 млрд сом каражат бөлүнгөн
Министрлер кабинетинин төрагасынын орун басары Бакыт Төрөбаев айыл чарба өсүмдүктөрүнүн түшүмүн жыйноо маселеси боюнча жыйын өткөргөнүн минкабдын маалымат кызматы билдирди.
Ал жыйында бул жылы айыл чарба тармагына бөлүнгөн каражаттар тууралуу сөз кылган.
“Төрөбаев үстүбүздөгү жылы айыл чарбасын өнүктүрүүгө 26 млрд сом, анын ичинде кластердик каржылоого 10 млрд сом, 6%дык жеңилдетилген насыяларды берүүгө, ирригацияга 1,7 млрд сом, сапаттуу үрөн сатып алууга 1.5 млрд сом бөлүнгөн, жер семирткичтерди сатып алууга 1 млрд сом, айыл чарба техникаларын лизингге берүүгө кошумча 271 млн сом бөлүнгөнүн белгиледи”, – деп айтылат маалыматта.
Оперативдүү маалыматтар боюнча буудайдын орточо түшүмдүүлүгү 27.7 центнерди (өткөн жылы гектарына 14.7 центнерден) түзгөн. Төрөбаев республика боюнча 233.7 миң гектардан буудай (99.8%) жыйылганын белгиледи.
Кошумча окуңуз:
