10-октябрдан тартып пенсия көбөйтүлгөн суммада берилип баштайт
10-октябрдан тартып пенсиянын базалык бөлүгү 1780 сомдон 3170 сомго чейин жогорулайт жана пенсиянын камсыздандыруу бөлүктөрү 15%га жогорулайт. Бул тууралуу Соцфонддун маалымат кызматы билдирди.
Көбөйтүлгөндөн кийин пенсиянын орточо өлчөмү 8080 сомду түзүп, жыл башындагы көрсөткүчтөн 1988 сомго жогорулайт.
Кыргызстанда 735 миң пенсионер бар. Жалпы пенсияны жогорулатуу үчүн 4 млрд 424 млн сом кошумча каражат керектелет. Анын 3 млрд 83 млн сому республикалык бюджеттен, 1 млрд 341 млн сому пенсиялык фонддун каражаттарынын эсебинен кошулат.
Мисалы:
5000 сом пенсия алгандарга — 1843 сом
10 миң сом алгандарга — 2623 сом кошулат.
