«Манас» аэропортунда жаңы Duty Free дүкөнү ачылды
«Манас» аэропортунда жаңы Duty Free дүкөнү ачылды. Бул тууралуу «МЭА» ААК билдирди.
Жаңы Duty Free дүкөндөрүндө Tom Ford, Chanel, Swarovski жана башка белгилүү брендтердин «товарлары» сатылууда.
Ал эми дагы бир жаңы ачылган Buy&Fly Kyrgyzstan дүкөнүнөн жүргүнчүлөр эксклюзивдүү парфюмерия, косметика, ошондой эле, кондитердик жана тамеки азыктарын, алкоголдук ичимдиктерди жеткиликтүү баада сатып ала алышат.
“Төлөмдөрдү накталай жана накталай эмес формада ишке ашыруу мүмкүн. Төлөм рубль, доллар, евро, андан тышкары банк карталарынын бардык негизги түрлөрү аркылуу кабыл алынат”, – деп билдирди башкы аэропорттун маалымат кызматы.
Жалпы аянты 506 чарчы метрди түзгөн 2 дүкөндү Helios Duty Free компаниясы ачкан. Алар учуруу залында – аэропорттун 2-чи жана 3-кабатында жайгашкан. Иштөө убактысы: 24/7.
