КРнын аймагына энергетикалык ичимдиктерди ташып келүүгө тыюу салуу сунушталууда. Аталган мыйзам долбоору кечээ, 25-октябрдан тартып, коомдук талкууга коюлду.

“КРнын аймагына энергетикалык ичимдиктерди ташып келүүгө, өндүрүүгө, сатууга жана пайдаланууга тыюу салуу жөнүндө” мыйзам долбоорун Жогорку Кеңештин депутаты Улан Бакасов демилгелеп жатат.

Мыйзам жарандардын ден соолугун коргоого, энергетикалык суусундуктарды керектөөнүн кесепеттеринен келип чыккан ооруларды кыскартууга багытталган.

Мыйзамга ылайык, мыйзамсыз иш-аракеттерден алынган кирешелер алынууга жана республикалык бюджетке чегерилүүгө жатат жана ушул мыйзамдын талаптарын бузганы үчүн күнөөлүү адамдар жоопкерчилик тартат.

Мыйзам расмий жарыяланган күндөн тартып 15 күн өткөндөн кийин күчүнө кирет.

• Мыйзам долбоору боюнча сунуш-пикирлерди төмөнкү телефон номуру 0312 63 88 52 аркылуу билдирсеңиздер болот.