Кытай-Кыргызстан-Өзбекстан темир жолун куруу боюнча изилдөөлөрдү жүргүзүү үчүн кытайлык инженерлер Кыргызстанга келишти. Бул тууралуу бүгүн элдик курултайда президент Садыр Жапаров билдирди.

Жапаров адистер Нарын жана Жалал-Абад облустарында изилдөө иштерин жүргүзөрүн айтты.

«Бул темир жолдун курулушу өлкөбүзгө деңизге чыгууга мүмкүндүк берет, биздин темир жолду транзиттик жолго айлантат. Бул өнүгүүгө чоң экономикалык түрткү берет», – деди Жапаров.

Бийлик ири долбоордун ишке ашырылышы келечекте мамлекетке ири кирешелерди алууга жана чет элдик инвестицияларды тартууга кеңири шарттарды түзөт деп ишенерин айтты.