2023-жылга Соцфонддун чыгашалары 87.5 млрд сомду түзөт

Назира Абдиева

28 нояб. 2022 23:50

Социалдык фонддун төрагасы Бахтияр Алиев тармактык комитеттин жыйынында 2023-жылга Социалдык фонддун бюджетинин долбоору кирешелер боюнча 93 млрд 229 млн сом суммасында түзүлгөнүн билдирди.

Ошондой эле ал 2024-2025-жылдарга 98 млрд 453 млн сом жана 104 млрд 107 млн сом караларын айтты.

«2023-жылы камсыздандыруу төгүмдөрүнүн түшүшү 51 млрд 485 млн сом суммасында пландалды. Республикалык бюджеттен бөлүнгөн каражаттардын түшүшү 41 млрд 356 млн сом суммасында каралган.
2023-жылга Социалдык фонддун чыгашалары 87 млрд 507 млн сом, 2024-2025-жылдарга 92 млрд 629 млн сом жана 99 млрд 177 млн сом суммасында пландалууда», – деди Алиев.

Талкуу маалында депутаттар республикада пенсиялык системаны реформалоо зарылдыгын белгилешти.

Алсак, депутат Нурлан Ражабалиев бийик тоолуу, алыскы аймактарда жайгашкан калктуу конуштардын тизмесин кайра карап чыгуу керектиги тууралуу сөз кылып, аны эске алуу менен пенсиянын өлчөмүн көтөрүүнү сунуштады.

Эскерте кетсек, бүгүн, 28-ноябрдагы Жогорку Кеңештин Бюджет, экономикалык жана фискалдык саясат боюнча комитетинин жыйынында «КРнын Социалдык фондунун 2022-жылга бюджети жана 2023–2024-жылдарга болжолу жөнүндө» мыйзамына өзгөртүүлөрдү киргизүү жана «КРнын Социалдык фондунун 2023-жылга бюджети жана 2024–2025-жылдарга болжолу жөнүндө» мыйзам долбоорлору биринчи окууда каралды.

Мындан тышкары окуңуз

“Дөөлөт курулуш” компаниясынын объектилерин Курулуш министрлиги бүткөрөт

Бүгүн, 12-февралда Курулуш, архитектура жана турак-жай-коммуналдык чарба министри Нурдан Орунтаев “Дөөлөт курулуш” ЖЧКнын үлүш ээлери менен “Кудайберген” турак жай комплексинин курулуш объектисинде жолугушуу өткөрдү. Бул тууралуу ведомстводон билдиришти. Иш-чарага министрдин орун басарлары, тиешелүү департаменттин жетекчилери жана компаниянын үлүш ээлери катышты. Белгилей кетсек, аталган компаниядан 4 жыл мурда турак жай сатып

Түндүк-Түштүк альтернативдик унаа жолу ачылды

Түндүк-Түштүк альтернативдик унаа жолунун Арал тилкесине түшкөн кар көчкү тазаланып, бир тараптуу каттам ачылганын "Кыргызавтожол" мамлекеттик ишканасынан билдиришти. Маалыматка ылайык, учурда №24 Жол тейлөө мекемеси тарабынан тазалоо иштери улантылып, жолду эки тараптуу ачуу аракети көрүлүүдө. Ишке 3 даана жүктөгүч унаа, 2 грейдер, 1 Howo унаасы жана 12 киши

Таиланд визасыз жүрүү мөөнөтүн 30 күнгө чейин кыскартты

Таиланд 90дон ашык өлкөнүн жарандары үчүн визасыз жүрүү мөөнөтүн 60 күндөн 30 күнгө чейин кыскартышы мүмкүн экенин Bangkok Post гезити жазды. Туризм жана спорт министрлигинин маалыматына ылайык, бул чара падышалыктын туристтик тармагына терс таасирин тийгизбеши керек, анткени чет элдик туристтердин көпчүлүгү өлкөдө орточо эсеп менен бир айдан аз убакыт болушат.

Майнерлер 2025-жылы бюджетке 206,17 млн сом төлөшкөн

2025-жылдын жыйынтыгы боюнча майнерлер 213,2 млн кВт⋅саат электр энергиясын керектешкен (-2,4%). Бул маалымат Каржы рыногун жөнгө салуу жана көзөмөлдөө кызматы тарабынан берилген отчеттун талдоосунан белгилүү болду. Салыштыруу үчүн: 2024-жылы электр энергиясын керектөө 218,5 млн кВт⋅саатты түзгөн. Кызматтын маалыматына ылайык, 2025-жылы майнерлер Кыргызстандын бюджетине 206,17