Ош шаарынын мэри болуп Бакытбек Жетигенов дайындалды

Бактынур Абдиева

Ош шаарынын мэри болуп Бакытбек Жетигенов дайындалды

Ош шаарынын жаңы мэри болуп Бакытбек Жетигенов дайындалды. Тийиштүү жарлыкка президент Садыр Жапаров кол койгонун президенттин маалымат кызматы билдирди.

Жетигенов 1988-жылы «Ирригатор» багбанчылык шериктештигинде кароолчу болуп иштеген. 1989-жылы жууп-пресстөө цехинде экинчи разряддагы транспортчу болуп иштеген.

1992-2010-жылдары жеке ишкерлик менен алектенген. 2010-2015-жылдары «Ар-Намыс» партиясынан Жогорку Кеңештин бешинчи чакырылышынын депутаты болгон. 2015-2021-жылдары алтынчы чакырылыштын депутаты болгон.

2021-жылы ноябрда Жетигенов бийликти күч менен басып алууга аракет кылган деген шек менен кармалган. Башкы прокуратура аны кылмыш жоопкерчилигине тартууга макулдук берүү сунушун Жогорку Кеңешке жөнөткөн. Бирок парламент анын кол тийбестик укугун алып салуудан баш тарткандыктан, Жетигенов бошотулган.

Эске сала кетсек, президент бүгүн, 29-ноябрда, Оштун мурунку мэри Алмаз Мамбетовду кызматтан алды.

Жаңылыктар биздин Телеграмм каналда

Мындан тышкары окуңуз

Кыргызстан 2030-жылга чейин транспорттук потенциалды жгорулатууну көздөйт

Кыргызстан 2030-жылга чейин транспорттук потенциалды жгорулатууну көздөйт

Кыргызстанды 2030-жылга чейин өнүктүрүүнүн Улуттук программасынын алкагында транспорт жана логистика тармагында өлкөнүн өткөрүү мүмкүнчүлүгүн жогорулатууга жана транзиттик потенциалын өнүктүрүүгө багытталган чаралар комплекси каралганын "Кыргыз Экспорт" борборунун директору Урмат Такиров "B5+1" форматындагы V "Транспорт жана логистика боюнча регионалдык ишкердик күн тартиби" тармактык сессиясында билдирди.
Президент "Кызмат" мамлекеттик ишканасын өзүн өзү каржылоого өткөрдү

Президент "Кызмат" мамлекеттик ишканасын өзүн өзү каржылоого өткөрдү

Президент Садыр Жапаров 26-январда "Кыргыз Республикасынын Президентинин Иш башкармалыгына караштуу уюмдардын ишинин натыйжалуулугун жогорулатуу боюнча чаралар жөнүндө" жарлыкка кол койду. Аталган документке ылайык, 2026-жылдын 1-январынан 31-декабрына чейин Президенттин Иш башкармалыгына караштуу "Кызмат" мамлекеттик мекемесинин ишин каржылоого байланышкан маселелерди убактылуу жөнгө салуу боюнча апробациялык режим киргизилет. Апробациялык
Кыргызстандын минералдык ресурстарынын көлөмү 177 млрд доллар турат-Аскар Сыдыков

Кыргызстандын минералдык ресурстарынын көлөмү 177 млрд доллар турат-Аскар Сыдыков

Кыргызстанда минералдык ресурстардын жалпы көлөмү 177 млрд долларга бааланарын "B5+1" бизнес-форумунун алкагында өткөн "Критикалык минералдар боюнча B5+1 диалогу" аттуу панелдик сессияда Эл аралык ишкерлер кеңешинин аткаруучу директору Аскар Сыдыков билдирди. Анын айтымында, республикада 1 миңден ашуун кен жай катталган, бирок алардын жарымынан азы гана
МинКаб төрагасы Дубайдагы кыргыз ишканасына барды

МинКаб төрагасы Дубайдагы кыргыз ишканасына барды

Министрлер Кабинетинин төрагасы Адылбек Касымалиев 4-февралда Дубай шаарында кыргызстандык жарандар тарабынан негизделген Epos Water Production LLC заводуна барды. Аталган ишкана бөтөлкөгө куюлган ичүүчү сууну жана суусундуктарды өндүрүү менен алектенет. Заводдун өндүрүштүк кубаттуулугу суткасына 50 миң бөтөлкөгө чейин жетет. Ишкананын аймагында сууну көп баскычтуу тазалоо системасы жана заманбап куюу линиялары орнотулган.