Улуттук банк сактагычында 37.8 тонна алтын бар экенин тастыктады
Улуттук банктын сактагычында 37.8 тонна алтын бар. Бул тууралуу регулятордун расмий өкүлү Аида Карабаева маалымат жыйынында билдирди.
Анын айтымында, Улуттук банктын алтын валюта резерви 13 тонна алтынды түзсө, калган 24.7 тоннасы – регулятордун алтын запастары.
«31-октябрга карата финансылык отчетту карасаңыз, анда алтынга байланыштуу эки пункт бар. Бул резервдеги 57 млрд сомдук алтын же болбосо 13 тонна алтын. Жана ошондой эле монетардык эмес алтын жана 118.4 млрд сомдук алтын запасы», – деп жыйынтыктады Карабаева.
Эскерте кетсек, элдик курултайда президент Садыр Жапаров Улуттук банкта дээрлик 40 тонна алтын сакталып жатканын айткан.
