«Элкарт» улуттук төлөм системасынын үлүшү дээрлик 60%га жетти
«Банктар аралык процессинг борбору» ЖАК кечээ, 13-декабрда «Элкарт» улуттук төлөм системасынын 2022-жылга карата ишинин жыйынтыгы менен тааныштырды.
«Элкарт» улуттук төлөм системасы түзүлгөндөн бери 2022-жылдын декабрына карата 21 коммерциялык банк, ошондой эле үч уюм тарабынан колдоого алынган. «Элкартты» Кыргызстандын аймагында 2 миңден ашык банкоматтар жана 16 миңден ашык POS-терминалдар кабыл алат.
«Элкарт» улуттук төлөм системасынын үлүшү 59.5%ды түзөт. Бүгүнкү күндө жүгүртүүдө аталган улуттук төлөм системасынын 2.6 млн картасы бар. Үстүбүздөгү жылы транзакциялардын саны 68.8 млн сомго жетип, операциялардын көлөмү 272.6 млрд сомду түздү.
2022-жылы «Элкартты» кабыл алган географиялык аймак кыйла кеңейди. «Элкарттан» Россиянын «Мир» төлөм системасынын карталарына жана Беларустун «Белкарт» системасынын карталарына трансчек аралык которуулар ишке киргизилген. 2022-жылдын июнь айында «Элкарт» кызматы Uzcard тармагында (Өзбекстан) да пайда болгон.
Мындан тышкары, «Бай-Түшүм» банкынын тиркемесинде Visa карталарын токенизациялоо туташтырылган. 2022-жылдын март айынан тартып «Элкарт» карталарын колдонуу менен өз ара эсептешүү процесси реалдуу убакыт режиминде гросстук эсептешүү системасында жүргүзүлүүдө. «Элкарт Мобайл» мобилдик тиркемесинде дистанциялык идентификация иштей баштады.
Июль айында «Элкарт Pay» функциясы ишке киргизилген. Бишкектин коомдук транспортунда контактсыз төлөм иштей баштады. Ноябрда Google Pay менен контактсыз төлөмдөрдү жүргүзүү үчүн картаны белгилөө ишке киргизилген. 2022-жылдын декабрында 3d Secure функциясы «Элкарт» карталарын колдонуу менен ишке киргизилген.
