Прокуратуранын кызматкерлери, адвокат жана жеке аудитор пара алып жаткан жеринен кармалды
УКМК Башкы прокуратура менен чогуу жүргүзгөн ыкчам-иликтөө иш-чараларынын натыйжасында, прокуратуранын кызматкерлери, адвокат жана жеке аудитор пара алып жаткан жеринен кармалган.
УКМКнын берген маалыматына таянсак, 100 миң сом өлчөмүндө пара алып жаткан жеринен Жалал-Абад облусунун Кара-Көл шаарынын прокуратурасынын ага тергөөчүсү А.М.Ш., адвокат Т.З.М. жана жеке аудитор Т.С.Т. кармалды.
“Аталган адамдар алдын ала сүйлөшүп алышып, КРнын Б.К.С. аттуу жаранына карата кылмыш ишин токтотуу жөнүндө соттун чечимин чыгаруу үчүн опузалап акча талап кылгандыгы аныкталган”, – деп айтылат маалыматта.
Азыркы учурда козголгон кылмыш ишинин алкагында КР Башкы
прокуратурасынын Тергөө башкармалыгы тарабынан тиешелүү ыкчам-тергөө иш-чаралары жүргүзүлүүдө.
