Канттан ЕАЭБ өлкөлөрүнө экспорттун көлөмү 34 эсе өстү – 566 млн доллар
Үстүбүздөгү жылдын он айында Кант шаарынын ишканаларынан ЕАЭБ өлкөлөрүнө товар экспорттоо 566 млн долларды түздү. Өткөн жылдын ушул мезгилине салыштырмалуу экспорт 34 эсеге (2021-жылы 16.4 млн доллар) өскөн. Мындай маалыматтар КРнын Улуттук статистикалык комитетинин талдоолорунда берилет.
Жалпысынан Чүй облусу экспорттун көлөмү боюнча биринчи орунда турат жана анын суммасы 257 млн доллардан 728.6 млн долларга өскөн.
Ошондой эле Бишкектен экспорттолгон товарлардын көлөмү дагы өстү, тагыраак айтканда, 2021-жылы 192.6 млн доллар болсо, 2022-жылы 276 млн долларга жеткен.
Жеке адамдар да товарларды көп жөнөтө башташкан – ал 58.3 млн доллардан 148.7 млн долларга чейин өскөн.
