Садыр Жапаров Катарга футбол көрүүгө жеке бизнес учагы менен барды - ал 25-30 миң доллар турат

Назира Абдиева

19 дек. 2022 19:16

Кыргызстандын президенти Садыр Жапаров 18-декабрда жеке бизнес учагы менен Катарга футбол боюнча дүйнө чемпионатынын финалын көрүү үчүн барды. Бишкектен Дохага учуунун баасы 25-30 миң долларды түзөт.

Катарга жеке учак менен учуп кеткенин Kaktus.media сайты жазып, Qatar News Agency порталынан Жапаровдун Дохага келген сүрөттөрүн тапкан. Сүрөттөрдүн биринде жеке учак тартылган.

Президенттин басма сөз кызматы Жапаровдун «жумушчу сапары» тууралуу билдирүүсүндө Жапаровдун Дохага келгени тартылган сүрөттөрдү берип, бирок учактын сүрөтүн көрсөткөн эмес.

Kaktus.media сайтынын маалыматына таянсак, Кыргызстандан Катарга учкан Embraer Legacy 600 жеке бизнес-учагы www.flightradar24.com порталына кирип калган. Бишкектен Дохага жана кайра кайтып келүү канча турары белгисиз, бирок бизнес-джеттердин онлайн-калькуляторлору боюнча бул каттам боюнча учууга орточо эсеп менен 50-60 миң доллар керектелет.

Президенттин маалымат кызматы Жапаров Катардын Эмири шейх Тамим бен Хамад Аль Танинин чакыруусу менен барганын, андан тышкары, ал Түркиянын президенти Режеп Тайип Эрдоган менен жолугушканын, өлкө лидерлери саясий, соода-экономикалык жана маданий-гуманитардык чөйрөдөгү эки жана көп тараптуу кыргыз-түрк өз ара аракеттенүүсүнүн актуалдуу маселелери жөнүндө сүйлөшүшкөнүн билдирди.

Белгилей кетсек, акыркы бир жыл ичинде бул Садыр Жапаровдун жеке учагы менен бешинчи жолу учушу. Буга чейин КРнын башчысы бизнес учак менен Глазго, Пекин, Нью-Йорк жана Астанага барып келген.

Мындан тышкары окуңуз

Кыргызстан алкоголду колдонуу боюнча канчанчы орунда?

Кыргызстанда бир адамга жылына орто эсеп менен 5 литр таза спирт туура келерин Дүйнөлүк саламаттык сактоо уюму алкоголдун ден соолукка тийгизген таасиринин учурдагы тенденциялары боюнча глобалдык отчетунда келтирген. Өлкөдө эркектер орто эсеп менен 8,7 литр, ал эми аялдар 1,5 литр алкоголь колдонушат. Азия өлкөлөрүндө алкоголду көп колдонгон 10

Осмон Ата жаңы конушунда 12 үй жол куруу үчүн түрттүрүлөт

Бишкек шаарындагы Осмон-Ата турак жай массиви аймагында Чыгыш айланып өтүүчү жолдун курулушуна байланыштуу бузула турган 12 үйдүн ээлерине компенсация төлөп берүү чечими кабыл алынганын 10-апрелде борбор калаанын мэриясынын басма сөз кызматы билдирди. Жер тилкелери боюнча ээлерине тең баалуу жер берүү же мыйзамда каралган башка альтернативалуу варианттарды сунуштоо максатында алмашуу жүргүзүлөт.

Дагы 14 жылдан соң 33 өлкө суу тартыштыгына дуушар болот

2040-жылга чейин 33 өлкө суу тартыштыгына дуушар болорун "Казинформ" Анадолу агенттигинин маалыматына таянып жазды. Калктын өсүшү, климаттын өзгөрүшү жана керектөөнүн көбөйүшү суу ресурстарына болгон суроо-талапты күчөтүп, суу коопсуздугун негизги глобалдык көйгөйгө айландырууда. Божомолдор боюнча, 2040-жылга чейин 33 өлкө "суу тартыштыгы өтө жогору" зонасында болот. Дүйнөлүк ресурстар

Мээрим Жуманазарова Азиянын эки жолку чемпиону болду

9-апрелде Бишкекте өткөн спорттук күрөш боюнча Азия чемпионатынын алкагында Кыргызстандын кыз-келиндер күрөшү боюнча курама командасынын мүчөсү Мээрим Жуманазарова финалдык беттеште алтын медаль жеңип алды. Дене тарбия жана спорт мамлекеттик агенттигинин маалыматына ылайык, ал 68 кг чейинки салмак ченинде күч сынашып, мелдешти чейрек финалдан баштаган. Алгачкы беттешинде кыргызстандык балбан Вьетнамдын өкүлүн