Жалал-Абаддын жаңгагы менен мистеси EU Organic сертификатын алышты - Европанын базарына чыгууга мүмкүнчүлүк берет
Жалал-Абад облусундагы “Ишкер-KG” кооперативи Евробиримдиктин өлкөлөрүнө продукцияларды экспортко чыгарууга мүмкүндүк берген EU Organic эл аралык сертификатын алды. Бул тууралуу АКШнын Эл аралык өнүктүрүү агенттигинин (USAID) ноябрдагы жаңылыктар жыйнагында айтылат.
“Ишкер-KG” 320 майда фермердин башын бириктирип, алардан 500 тоннага чейин жаңгак, мисте, итмурун сатып алат. Мындан тышкары, кооператив 200 тоннага чейин жапайы жаңгак терет.
«Бул сертификат аларга өз продукциясын Европанын жана КМШ өлкөлөрүнүн жаңы рынокторуна экспорттоого мүмкүндүк берет», – деп билдирди USAID.
Буга чейин USAID Талас облусунун төө буурчак өндүрүүчүлөрү эл аралык аудиттен ийгиликтүү өтүп, продукциясын Европа өлкөлөрүнө жеткирүү үчүн Евробиримдиктин органикалык сертификатын алышканын билдирген болчу.
Кошумча окуңуз:
