Бишкекте автобус айдоочуларынын айлыгы жогорулатылат
Бишкек шаардык кеңешинин турак жай-коммуналдык чарбалары боюнча комиссиясынын жыйынында Бишкек шаардык транспорт ишканасынын өкүлү борбордо коомдук транспорт айдоочулары жетишсиз экенин билдирди.
Анын айтымында, штат боюнча Бишкекте 3 миң 200 айдоочу иштеши керек, бирок иш жүзүндө линияга болгону 2 миң 600 адам чыгат. Башкача айтканда, 500–600 айдоочу жетишпейт.
Маалыматка ылайык, бул жылы айдоочулардын тарифтик ставкасы жогорулатылган:
- 2023-жылга чейин — 51 сом;
- андан кийин — 102 сом;
- 2026-жылдын апрелинен тарта дагы жогорулатуу күтүлүүдө, бул айлыктын өсүшүнө алып келет.
Ошондой эле ишкана жол кире төлөө ыкмасы олуттуу өзгөргөнүн белгиледи:
2023-жылы накталай эмес төлөмдөр 10–20% гана түзсө, накталай — 90% болгон;
учурда 80% жүргүнчү жол кирени накталай эмес төлөйт, ал эми 20% гана накталай төлөйт.
Ишкана өкүлдөрүнүн айтымында, быйыл тургундар жана айдоочулар менен түшүндүрүү иштери жүргүзүлүп, толугу менен накталай эмес төлөмгө өтүү пландалууда.
